Промовирани два проекта – Муртезани им се заблагодари на родителите и општината
„Да играме заедно“ и „Млади научници“ се двата проекти кои ги промовираше директорот на Основното училиште „25 Мај“ во Сингелиќ. Фадиљ Муртезани, вели дека проектите ќе им послужат на учениците за одржување активности по физичко образование, како и за развивање на фигуративната и музичката уметност.
Муртезани додава дека дел од првиот проект ќе можат да бидат и наставниците кои се вработени и имаат деца. Државниот секретар во Министерството за образование, Сафет Незири вели дека нивниот ресор ќе ги поддржува училиштата кои ќе се потрудат да креираат и да ја подобрат состојбата во образовниот систем.
Инаку, спроведувањето на горенаведените проекти е финансирано од родителите на учениците од училиштето, општината Гази Баба, германската Амбасада и бизнисмени.
